Craolfaidh TG4 clár, Teach an tSagairt, clár faoi shaol agus shaothar an Athar Liam Hayes san Airgintín Dé hAoine. Is ón Cheapach Mór, Co Luimnigh, Hayes ó dhúchas ach is ag obair thar sáile le fada atá sé.
Dúirt scríbhneoir an chláir agus duine d'eagarthóirí nuachta TG4, Breandán Delap, gur "gheall le Máthair Treasa Mheiriceá Theas é an tAthair Liam Hayes. Bhunaigh sé dhá ionad dídine in Obera i dtuaisceart na hAirgintíne - ceann amháin do dhaoine míchumasacha agus ceann eile do sheandaoine nach bhfuil in inmhe aire cheart a thabhairt dóibh féin.
"Lá dá shaol atá faoi chaibidil sa chlár agus i rith an lae sin bíonn air teacht i gcuidiú ar fhear atá ina chónaí i mbothán sa dúfair nach bhfuil ábalta aire a thabhairt dó féin. Bhí oiread gliondair ar an seanfhear nuair a bhain sé a áit cónaithe úr amach agus fáil aige anois ar uisce reatha agus ar chompoird an tsaoil."
Ina measc siúd a bheidh faoi agallamh, tá Donncha Ó hAodha (deartháir an Athar Hayes agus léachtóir le Gaeilge in NUIG), Paula Ní Shlatartha, iar-Ambasadóir na hÉireann chun na hAirgintíne agus an t-iriseoir Ronan Mullen.
Beidh Teach an tSagairt ar siúl ar TG4 Aoine an Chéasta ag 6.30pm